輸卵管堵塞是咩？女性常見不孕原因之一

　　輸卵管係女性生殖系統中非常重要嘅一部分，好似一條「高速公路」，負責接收排卵後嘅卵子，再同精子相遇。如果呢條通道出現「塞車」——即係輸卵管堵塞，就會影響受孕機會，甚至可能造成宮外孕。

　　🔍 輸卵管點樣會堵塞?

　　常見原因包括：

　　盆腔炎症（PID）：由細菌感染引起，係最常見成因。

　　性傳染病（如衣原體、淋病）：感染會令輸卵管黏連。

　　子宮內膜異位症：異位內膜造成炎症，令輸卵管狹窄或堵塞。

　　曾經做過手術：如剖腹產、卵巢或輸卵管手術，可能產生疤痕組織。

　　人工流產或盆腔操作後：有機會導致感染或黏連。

　　🚩 輸卵管堵塞有咩症狀?

　　好多女性其實冇明顯不適，通常喺備孕一年未成功，或發生過宮外孕先發現。部分人可能會有：

　　慢性盆腔痛

　　月經量異常

　　下腹隱痛

　　但大多數情況係「無聲無息」，所以檢查好重要。

　　🧪 如何檢查輸卵管是否通暢?

　　醫生一般會建議：

　　輸卵管造影（HSG）：最常用，影像可以看到是否狹窄或堵塞。

　　陰道超聲＋造影（HSK）：創傷性較低。

　　腹腔鏡檢查：較準確，亦可以同時治療黏連，但屬於微創手術。

　　🩺 堵塞咗點算?

　　要視乎堵塞位置同嚴重程度：

　　輕度黏連/部分堵塞：可透過通水、通液、物理治療改善。

　　嚴重黏連或完全堵塞：可能需要腹腔鏡手術疏通。

　　雙側堵塞／無法修復：通常建議試管嬰兒(IVF)，因為可繞過輸卵管。

　　👩‍⚕️ 如何預防輸卵管堵塞?

　　做足性病防護，定期婦科檢查

　　月經期避免性行為，降低感染風險

　　避免反覆人工流產

　　如有下腹痛、異常分泌物等症狀，及早就醫

　　有骨盆炎史者更應定期檢查